O pasado 19 de xuño celebrouse o XVIII Almorzo Técnico de foro empresa Pontevedra co motivo central en «Universidade, empresa e sociedade: presente e futuro» A cita reuniu nun mesmo salón ao máximo responsable da Universidade de Vigo e aos portavoces das principais organizacións empresariais con representación en Pontevedra: APE Galicia, CEP, Cámara de Comercio, Aempe, e AJE.
O encontro mantivo en todo momento o ton amigable e rexistrou máis dun cruzamento de afagos, pero o certo é que o cara a cara deu pé a propostas e reivindicacións. Sobre todo, desde a esfera empresarial cara á docente, porque, aínda que os empresarios recoñeceron a imposibilidade da universidade de formar en tempo real sobre a fervenza de avances que se producen no mundo mercantil, reclamaron máis formación adaptada ás necesidades da empresa e, sobre todo, máis coñecementos prácticos entre os titulados que se van colgando o birrete.
APE Galicia foi representada por Jose Ramón Caldas como o seu presidente, pedindo facilidades na Administración reclamando máis axuda da Administración para mellorar a formación dos autónómos, sobre todo os sénior, e máis axudas para o comercio de Galicia, «onde cada día pecha un establecemento».