Obxecto
A orde ten como obxectivo establecer as bases reguladoras do Programa de apoio á consolidación das entidades da economía social de Galicia para o ano 2025. O programa, denominado Bono Consolida Economía Social, busca apoiar a consolidación das entidades da economía social en Galicia, facendo especial énfase na transformación dixital e na mellora da eficiencia enerxética. O fin último é reforzar a súa presenza no tecido económico da comunidade, mellorar a súa competitividade, impulsar a súa actividade económica e, ao mesmo tempo, garantir a creación e mantemento de empregos de calidade.
Beneficiarios
Poderán acceder ás subvencións as sociedades cooperativas, sociedades laborais, empresas de inserción e centros especiais de emprego. Estas entidades deberán cumprir os seguintes requisitos na data de presentación da solicitude:
1. Estar inscritas nos correspondentes rexistros administrativos da Comunidade Autónoma de Galicia.
2. Ter as contas anuais do último ano presentadas no Rexistro Mercantil, Rexistro de Cooperativas ou Rexistro de Fundacións, segundo corresponda á súa forma xurídica.
3. No caso de centros especiais de emprego con forma xurídica de asociación, ter o balance e a conta de resultados aprobados pola súa asemblea xeral.
4. Acreditar unha antigüidade mínima de 42 meses desde a inscrición no rexistro administrativo correspondente. Excepcionalmente, poderán ser beneficiarias as cooperativas que, aínda sendo novas no Rexistro de Cooperativas de Galicia, teñan unha antigüidade de 42 meses no Rexistro Central de Cooperativas do Ministerio de Traballo e Economía Social.
5. Ter capacidade administrativa, financeira e operativa para cumprir as condicións da axuda.
6. Estar ao día no pagamento das obrigas tributarias e da Seguridade Social.
7. Non ter sido sancionadas con perda da posibilidade de obter subvencións mediante resolución firme.
Características da axuda
Conceptos subvencionables
1. Equipamento informático.
2. Adquisición e desenvolvemento de software e páxinas web.
3. Márketing, comunicación ou relanzamento comercial.
4. Mellora na eficiencia enerxética.
5. Adquisición de equipamento.
6. Reforma do centro de traballo .
7. Mobiliario.
8. Obtención de certificacións de calidade.
9. Creación e desenvolvemento da imaxe corporativa da entidade.
10. Plan de protección de datos.
11. Elementos de transporte.
12. Actividades formativas para as persoas socias da entidade solicitante que estén dados de alta no réxime especial de traballadores autónomos (RETA).
Os servizos descritos nos número 3, 8, 9, 10 e 12 deberán estar implantados ou realizados no período de execución. Todos os investimentos deberán estar destinados aos centros de traballo situados na Comunidade Autónoma de Galicia.
Contía das axudasdas axudas
A contía da axuda será equivalente ao 80 % do custo total dos gastos subvencionables,
cos límites seguintes:
– 5.000 € para cada un dos gastos incluídos nos conceptos 3, 8, 9, e 10 do artigo 6.
– 600 € para cada actividade formativa, das incluídas no concepto 12 do artigo 6, que realice cada persoa socia da entidade que estea de alta no réxime especial de traballadores autónomos.
O límite máximo das axudas establécese en 30.000 € por cada entidade solicitante. No caso de que se solicite unha contía superior, concederase de acordo coa orde de prelación establecida no artigo 6 desta orde
Prazo de presentación
21/02/2025 ao 21/04/2025
Publicación no DOG
https://www.xunta.gal/dog/Publicados/2025/20250211/AnuncioG0767-150125-0003_gl.html
TR802L – SUBVENCIÓNS PARA O APOIO Á CONSOLIDACIÓN DAS ENTIDADES DA ECONOMÍA SOCIAL DE GALICIA BONO CONSOLIDA ECONOMÍA SOCIAL
