PE610C- Axudas para Fomentar a Remuda Xeracional no Sector Pesqueiro 2025

por | 14/Ago/2025 | Axudas e Subvencións, Noticias, Xunta de Galicia

Axudas para Fomentar a Remuda Xeracional no Sector Pesqueiro 2025

Consellería do Mar – Xunta de Galicia
Procedemento: PE610C
Publicación: DOG nº 155 – 14 de agosto de 2025
Réxime: Concorrencia non competitiva
Orzamento total: 350.000 € (70% FEMPA – 30% Xunta de Galicia

  1. Finalidade

Financiar gastos derivados do embarque de estudantes de ciclos náutico-pesqueiros para completar a súa formación obrigatoria e así facilitar a súa incorporación ao sector, apoiando o relevo xeracional na pesca.

  1. Persoas beneficiarias
  • Persoas físicas ou xurídicas armadoras de buques pesqueiros:
    • Inscritos no Rexistro de Buques Pesqueiros de Galicia.
    • Na 3ª lista do Rexistro de Buques e Empresas Navieiras.
    • Con porto base e sede social en Galicia.
  • Que embarquen estudantes que necesiten prácticas para obter un título profesional pesqueiro segundo o RD 36/2014.
  • Máximo: 2 estudantes por buque e período de embarque.
  1. Gastos subvencionables
  1. Manutención: 33,26 € por estudante e día de embarque.
  2. Equipamento e roupa de traballo: 500 € por estudante.
  3. Custos indirectos: 7% do gasto directo total subvencionable (oficina, subministracións, servizos básicos…).

Período de gastos subvencionables: do 1 de xaneiro ao 31 de agosto de 2025.

Exemplo de cálculo (1 estudante, 30 días embarque):

  • Manutención: 33,26 € × 30 días = 997,80 €
  • Equipamento: 500,00 €
  • Subtotal gasto directo: 1.497,80 €
  • Custos indirectos (7%): 104,85 €
  • Total axuda: 1.602,65 €
  1. Regras e compatibilidade
  • Compatible con outras axudas sempre que non se financie o mesmo gasto con outro fondo europeo e sen superar o custo total da actividade.
  • Suxeita a réxime de minimis: máximo 40.000 € por beneficiario en calquera período de 3 exercicios fiscais.
  1. Prazo de solicitude
  • Inicio: 7 días hábiles despois da publicación no DOG.
  • Fin: o 30 de setembro de 2025 ou antes se se esgota o crédito (publicarase no DOG e na web da Consellería).
  1. Forma de solicitude
  • Presentación obrigatoria por vía electrónica en https://sede.xunta.gal (anexo I procedemento PE610C).
  • Documentación obrigatoria:
    1. Folla de asento do buque (actualizada e certificada).
    2. Convenio de formación.
    3. Acreditación dos días de embarque.
    4. Carpeta de seguimento do alumno ou documento equivalente.
  1. Pagamento
  • Nun único aboamento tras a resolución favorable e comprobación de requisitos.
  • É obrigatorio estar ao día nos pagamentos coa Axencia Tributaria estatal, autonómica e coa Seguridade Social.