Axudas e subvencións

É UNHA PERSOA TRABALLADORA AUTÓNOMA CON DESEXO DE VOLVER A EMPRENDER OU MUDAR DE SECTOR?

É UNHA PERSOA TRABALLADORA AUTÓNOMA CON DESEXO DE VOLVER A EMPRENDER OU MUDAR DE SECTOR?

Próximamente a Xunta de Galicia abrirá o prazo para solicitar o Programa Nova Oportunidade, axudas dirixidas ás persoas autónomas que se atopen en situación de desemprego e desexen volver a emprender no mesmo ou diferente sector. Con estas axudas o que se quere é facilitar a volta á actividade económica daquela persoa emprendedora que lle foi mal no seu negocio pero xa ten a experiencia práctica e a iniciativa de volver a emprender.

Hoxe publícase no DOG a “cota cero” para todas as persoas que inicien a súa actividade como autónomos en Galicia

Hoxe publícase no DOG a “cota cero” para todas as persoas que inicien a súa actividade como autónomos en Galicia

Hoxe publícase no DOG a ORDE do 28 de decembro de 2023 pola que se establecen as bases reguladoras das axudas para a promoción do emprego autónomo en Galicia, cofinanciadas pola Unión Europea no marco do Programa FSE+ Galicia 2021-2027 e se procede a súa convocatoria para o ano 2024 (código de procedemento TR341D).

Ao abeiro desta orde subvencionaranse as altas na Seguridade Social ou en mutualidade de colexio profesional e os gastos de mantemento da actividade, que, cumprindo os requisitos e condicións establecidas nela, se formalicen desde o 30 de setembro de 2023 ata o 29 de setembro de 2024, ambos inclusive.
A Xunta de Galicia subvencionará o 100 % das cotizacións dos primeiros 12 meses, e as novas altas deberán formalizarse entre o 30 de setembro de 2023 e o 29 de setembro de 2024.

Establécense 2 liñas de axudas, compatibles entre si:
Liña 1: unha axuda para o inicio da actividade económica e mantemento do emprego como persoa traballadora autónoma.
Liña 2: unha axuda para sufragar os gastos do mantemento da actividade por conta propia, equivalente a 12 meses da contía da cota reducida regulada no apartado 1 do artigo 38.ter da Lei 20/2007, do 11 de xullo, do Estatuto do traballo autónomo.