APE-Galicia - Servizos

Praza de España, 1 – 1º Esq. – Ofic. 1 | 36002 – PONTEVEDRA
Telf.: 986891657 | Fax: 986891657
Inicio » Listado de noticias

A PREVENCIÓN DE RISCOS LABROAIS TRIUNFA NA CIDADE DE PONTEVEDRA

Na mesma semana, APE Galicia esgota as prazas para o curso presencial de Primeiros Auxilios e Emerxencias e pecha o primeiro ciclo de xornadas formativas en materia de PRL concienciando ás persoas autónomas da importancia da prevención para reducir danos e accidentes. Ambas formacións voltarán no mes de outubro con novas edicións.

PROGRAMA DE AXUDAS PARA OS CENTROS ESPECIAIS DE EMPREGO

Esta convocatoria de subvencións vai dirixida aos centros especiais de emprego, co fin de garantir a empregabilidade de persoas con discapacidade. Para iso, establécense tres programas de axudas: o primeiro é para o apoio á actividade profesional e ten unha contía base de 1.000 euros por cada persoa traballadora, o segundo busca a creación de postos de traballo estables e a contía base é de 10.000 euros por cada posto de traballo creado; o último, vai destinado ao mantemento do custo salarial. no que se subvencionará o 50% do salario mínimo interprofesional.

PROGRAMA DE COMERCIO CIRCULAR - CO300D

A partir de mañá 9 de setembro, e ata o día 9 do vindeiro mes, estará aberto o prazo de solicitude á concesión de subvencións para a execución de actuacións de comercio sostible e circular. Esta subvención será para comerciantes retalistas, asociacións de comerciantes e, obradoiros artesáns, chegando a ser subvencionable ata o 80% do custo destas accións.

O 4 DE SETEMBRO A REPRESENTACIÓN DE APE GALICIA ACUDIU Á REUNIÓN DA MESA DO EMPREGO AUTÓNOMO

O presidente de APE Galicia, José Ramón Caldas, xunto ca secretaria xeral, Sonia Acuña, foron convocados onte á reunión da Mesa de Emprego Autónomo que presidiu a Conselleira Elena Rivo. Alí abordaron a temática pertinente á Axenda Impulso ao Emprego Autónomo 2023-2026 que contará cun presuposto de mais de 200 millóns de euros co fin de seguir mellorando e loitando polos intereses e condicións do colectivo autónomo.