APE-Galicia - Servizos

Praza de España, 1 – 1º Esq. – Ofic. 1 | 36002 – PONTEVEDRA
Telf.: 986891657 | Fax: 986891657
Inicio » Listado de noticias

Plan Galicia Emprega: Incentivos á contratación por conta allea e á formación - 2022

A Xunta convoca unha nova edición do programa Galicia Emprega, co que apoiará a contratación dunhas 1.350 persoas pertencentes a colectivos prioritarios -mulleres, novas, persoas con discapacidade e/ou en risco de exclusión social e paradas e parados de longa duración- para impulsar a súa ocupación e mellorar a súa formación para o traballo. O programa tamén inclúe axudas para a formación e a contratación duns 20 traballadores e traballadoras como persoal de apoio ás persoas con discapacidade ou en risco de exclusión social. A este programa poden acollerse as e os galegos retornados que cumpran as condicións requiridas.

Axudas para crear empresas para actividades non agrícolas en zonas rurais

O Instituto Galego de Promoción Económica (Igape) convoca axudas destinadas á creación de empresas para actividades non agrícolas en zonas rurais.

Estas axudas para a creación de empresas en zonas rurais de Galicia teñen como obxectivo a creación de emprego nas zonas rurais mediante axudas á primeira implantación e desenvolvemento de novas actividades económicas non agrarias viables.

Axudas para a promoción e consolidación do emprego autónomo

A Xunta convoca a través do Diario Oficial de Galicia (DOG) dúas ordes coas que pretende impulsar e favorecer á competitividade das persoas traballadoras autónomas na comunidade. Así, actívase unha primeira liña de axudas de promoción do emprego autónomo que supoñerá apoios de ata 10.000 euros para altas neste réxime. A outra das iniciativas pretende, a través do Bono Autónomo, consolidar ata 3.200 negocios con traxectoria de traballadores por conta propia, con axudas que poden chegar aos 3.000 euros. ambas as convocatorias supoñerán un investimento global de 20,5 millóns de euros co que o Goberno galego quere seguir favorecendo este sector, que conta con máis de 218.000 afiliados na comunidade.

III PLAN DE RESCATE DA XUNTA DE GALICIA

A Xunta pon en marcha o terceiro Plan de Rescate para autónomos e pemes sumando preto de 560 millóns de euros en axudas directas en seis meses
Este terceiro programa, conta cun orzamento de 34 millóns, incluiye a persoas traballadoras autónomas e empresas con máis de 10 traballadores e cun volume de facturación superior a 2 millóns de euros, así como a empresas de máis de 25 traballadores, cuns apoios que irán dos 10.000 euros ata os 30.000 euros.
A orde saíu publicada no DOG no día de hoxe. O prazo de solicitude destas axudas poderán solicitarse durante un mes.

O IGAPE CONVOCA OS OBRADOIROS E AXUDAS Á DIXITALIZIACIÓN INDUSTRIA 4.0

O Diario Oficial de Galicia publica hoxe as bases reguladoras dos obradoiros e das axudas do Igape á dixitalización Industria 4.0 susceptibles de seren financiadas no marco do eixe REACT-UE do programa operativo Feder Galicia 2014-2020, como parte da resposta da UE á pandemia da COVID-19, aprobadas polo Consello de Dirección do Instituto Galego de Promoción Económica.

APE GALICIA CELEBRA A WEBINAR "LIÑAS DE AXUDAS DIRIXIDAS A PERSOAS TRABALLADORAS AUTÓNOMAS E PEMES” COA COLABORACIÓN DA CONSELLERÍA DE EMPREGO E IGUALDADE

Nesta edición dos “Venres de Webinar”, iniciativa levada a cabo pola asociación presidida por José Ramón Caldas para achegar a información sobre temas de interese as seus 70.000 persoas traballadoras asociadas, contará coa intervención da directora xeral de Empreog, Traballo Autónomo e Economía Social, Covadonga Toca Carús, e o subdirector xeral de Emprego, Juan Lirón, que será o encargado de dar a coñecer as actuacións da Xunta de Galicia dirixidas a persoas traballadoras autónomas e pemes