APE-Galicia - Servizos

Praza de España, 1 – 1º Esq. – Ofic. 1 | 36002 – PONTEVEDRA
Telf.: 986891657 | Fax: 986891657
Inicio » Listado de noticias

TODAVÍA QUEDA CRÉDITO PARA O BONO DAS PERSOAS AUTÓNOMAS

Este conxunto de axudas ten por obxeto o financiamento de investimentos das persoas autónomas en Galicia, cunha subvención do 80% da actividade e un límite máximo de 3.000,00 euros de axuda polo conxunto de actividades subvencionables como poden ser: aplicacións informáticas, páxinas web, aplicacións e redes sociais, compra de maquinaria ou equipos informáticos e reforma do local de negocio, entre outros.

VACACIÓNS FISCAIS PARA AUTÓNOMOS. QUÉ SON E CÓMO SE SOLICITAN?

Sabías que os autónomos teñen dereito a coller un mes de vacacións fiscais ao ano? Facenda permite aos traballadores por conta propia e empresarios escoller 30 días nos que non recibirán ningunha notificación electrónica da Axencia Tributaria.
Aínda que sexa verán, Facenda tamén pode enviar notificacións aos autónomos e obrígalles igualmente a contestar en prazo, baixo risco de sanción. Os ‘”días de cortesía” permiten aos autónomos desconectar durante as súas vacacións sen ter que estar pendentes destas cartas, avisos ou requirimentos.

APE Galicia asina un convenio de colaboración con Executivas de Galicia

APE Galicia asinou a pasada semana un convenio de colaboración con Executivas de Galicia co obxectivo de promover o papel da muller traballadora autónoma e de negocios na nosa comunidade, fomentar políticas de igualdade de oportunidades, e contribuír á proxección, recoñecemento e visibilidade do autoemprego feminino.

Por mor deste convenio, establécese un marco de colaboración para organizar conxuntamente diferentes actividades de interese para ambas as asociacións, ademais de poñer en valor ao colectivo autónomo feminino, que en Galicia supera o 40% do total dos traballadores por conta propia, sendo así una das comunidades, xunto con Asturias, onde o emprego autónomo feminino ten maior peso.

Programa de incentivos á contratación por conta allea e á formación

A Xunta de Galicia puxo en marcha o Plan Galicia Emprega co obxectivo de incentivar o traballo na empresa, que este ano aumenta un 35% o seu orzamento ata case 17,5 millóns para inserir no mercado laboral a 2.2000 persoas desempregadas de distintos colectivos, aos que se suma este ano como novidade unha liña específica para inmigrantes retornados.

Esta iniciativa financia parte do custo do contrato e tamén contempla incentivos para a transformación a tempo completo, ademais de por cada contratación indefinida inicial que se realice, a empresa, poderá solicitar ata 4.000 euros para formación no centro de traballo.

Galicia Emprega, así mesmo, prevé incentivos para a transformación de contratos de tempo parcial a tempo completo, para a adaptación de postos de traballo para as persoas con discapacidade e para o incremento de duración dos contratos fixos descontinuos.

A estes apoios poden acceder as persoas traballadoras autónomas, pemes , centros especiais de emprego, as entidades sen ánimo de lucro e as empresas de inserción laboral para a contratación de persoal.

Programa BONO DAS PERSOAS AUTÓNOMAS (Procedemento TR341Q)

Hoxe publícase no DOG as bases e a convocatoria as axudas do Programa do bono das persoas autónomas, no ámbito da Comunidade Autónoma de Galicia, que poderánse solicitar a partir de mañá mércores, 25 de xaneiro.

Poderase conceder esta axuda para a mellora da competitividade da actividade empresarial das persoas beneficiarias desta orde unha subvención do 80 % da actividade que se vai subvencionar, cun límite máximo de 3.000,00 euros de axuda polo conxunto de actividades subvencionables e o resto do gasto será por conta da persoa beneficiaria.

A diferencia cos anos anteriores, é que os investimentos deben estar realizados e pagados no momento da presentación da solicitude.

Esta axuda terá unha liña de mellora da competitividade, a través dos seguintes investimentos: compra de maquinaria, compra e/ou instalación para a mellora da eficiencia enerxética, investimentos para a substitución de combustibles fósiles ou materiais críticos ou escasos, compra de utensilios e ferramentas, reforma do local do negocio, equipamento informático, equipamento de oficina e/ou negocio, rótulos, aplicacións informáticas, páxinas web, apps e redes sociais, deseño de marca.

As persoas traballadoras autónomas que estean de alta no réxime especial de autónomos ou en mutualidade de colexio profesional, que teñan o domicilio fiscal en Galicia, que na data da solicitude teñan unha antigüidade superior a 42 meses ininterrompidos e que teñan un rendemento neto reducido dos rendementos de actividades económicas declarados na declaración do IRPF anual inferior a 30.000,00 euros e unha facturación mínima anual de 12.000,00 euros, IVE incluído, na declaración referida ao ano 2021, poderán ser beneficiarias desta axuda.

A Xunta de Galicia pon en marcha este programa a partir de mañá e conta cun orzamento de 8.000.000 de euros.