PROGRAMA MENTORING TRABALLO AUTONOMO 2023
Poderán participar ata un máximo de 200 persoas que, estando de alta como traballadoras autónomas, leven alomenos 42 meses de actividade económica, e teñan o domicilio fiscal en Galicia; e deberán cumprimentar o formulario pinchando no seguinte enlace https://oficinadoautonomo.gal/gl/content/participacion-programa-de-mentoring-traballo-autonomo-2023
Cumprindo eses requisitos, terán prioridade aquelas persoas traballadoras autónomas que teñan persoal contratado.
E no caso de que non se acade o obxectivo de 200 persoas traballadoras autónomas con 42 meses de actividade, poderán inscribirse aquelas que teñan recibido a axuda do programa de XEMPRE AUTONOMO (promoción de emprego autónomo), BONO AUTÓNOMO, NOVA OPORTUNIDADE, EMEGA, XEMPRE EMPREDEMENTO ou calquera outra axuda da Consellería e Promoción de Emprego e Igualdade.
O PLAN DE ACCIÓN do Programa de Mentoring Traballo Autónomo 2023 estructúrase da seguinte maneira:
- Obradoiro de formación de 4 horas para coñecer o proceso do Mentoring e os seus protocolos de actuación
- A cada persoa traballadora autónoma participante asignaráselle unha persoa mentora (“matching”) en función do tipo de apoio que precisen
- Cada “matching” celebrará un mínimo dunha reunión mensual, cunha duración estimada de 1 a 2 horas, e durante un período máximo de 7 meses.
- Durante a relación de mentoring, ofreceranse “mentorías de apoio” para, de forma puntual, poder traballar outras áreas de traballo.
- Ao finalizar o “matching” formalizarase o seu peche e analizaranse os obxectivos acadados.